ಧೂಮಪಾನ ಮಾಡದಿದ್ದರೆ ಆರು ಹೆಚ್ಚುವರಿ ರಜೆ

ಟೋಕಿಯೋ: ಜಪಾನಿನ ಮಾರ್ಕೇಟಿಂಗ್ ಸಂಸ್ಥೆಯೊಂದು ಧೂಮಪಾನದಿಂದ ದೂರ ಉಳಿಯುವ ಸಿಬ್ಬಂದಿಗೆ ಭರ್ಜರಿ ಕೊಡುಗೆ ಪ್ರಕಟಿಸಿದೆ. ಕಚೇರಿ  ಅವಧಿಯಲ್ಲಿ ಧೂಮಪಾನ ಮಾಡದಿದ್ದರೆ ಆರು ರಜೆ ನೀಡುವುದಾಗಿ ಹೇಳಿದೆ. ಸಂಬಳ ಸಹಿತ ರಜೆ ಪಡೆಯಲು ಈ ಸಿಬ್ಬಂದಿ ಅರ್ಹರಾಗಿದ್ದಾರೆ ಎಂದು ಅದು ಪ್ರಕಟಿಸಿದೆ. ಧೂಮಪಾನ ಮಾಡುವವರಿಗಿಂತ ಮಾಡದ ಸಿಬ್ಬಂದಿ ಹೆಚ್ಚಿನ ಕೆಲಸ ಮಾಡುತ್ತಿದ್ದಾರೆ. ನಮ್ಮ ಕಷ್ಟ ಪರಿಹರಿಸಿ ಎಂದು ಸಿಬ್ಬಂದಿಯೊಬ್ಬರು ಮನವಿ ಮಾಡಿದ್ದರು. ಸಂಸ್ಥೆ 29ನೇ ಮಹಡಿಯಲ್ಲಿ ಕಚೇರಿ ಹೊಂದಿದೆ. ಧೂಮಪಾನ ಮಾಡುವವರು ಪ್ರತಿ ಬಾರಿ ನೆಲ ಅಂತಸ್ತಿಗೆ  ಬಂದು ಧೂಮಪಾನ ಮಾಡಬೇಕಿತ್ತು. ಒಂದು ಬಾರಿ ಮೇಲಿನಿಂದ ಕೆಳಗೆ ಬಂದು ಧೂಮಪಾನ ಮಾಡಲು ಕನಿಷ್ಟ 15 ನಿಮಿಷ ತಗಲುತ್ತಿತ್ತು. ಇದೀಗ ಸಂಸ್ಥೆಯ ನಿರ್ಧಾರಕ್ಕೆ ಸಿಬ್ಬಂದಿ ಪುಲ್ ಖುಷಿ ಆಗಿದ್ದಾರೆ.