ರಷ್ಯಾ ವಿಮಾನದಲ್ಲಿ ಪಾನಮತ್ತನ ರಂಪಾಟ

ರಷ್ಯಾ: ಮದ್ಯ ಸೇವಿಸಿ ವಿಮಾನದಲ್ಲಿ ರಂಪಾಟ ಮಾಡುತ್ತಿದ್ದ ವ್ಯಕ್ತಿಯೊಬ್ಬನಿಗೆ ಪ್ರಯಾಣಿಕರೇ ಪಾಠ ಕಲಿಸಿದ್ದಾರೆ. ರಷ್ಯಾದಲ್ಲಿ ವಿಮಾನ ಪ್ರವೇಶಿಸಿದ ತಕ್ಷಣ ಸಿಬ್ಬಂದಿಯೊಂದಿಗೆ ಅತಿರೇಕವಾಗಿ ವರ್ತಿಸಿದ್ದಲ್ಲದೆ ಕ್ಯಾಪ್ಟನ್ ಜತೆ ಮಾತನಾಡಬೇಕೆಂದು ಕಾಕ್ ಪಿಟ್ ಪ್ರವೇಶಿಸಲು ಯತ್ನಿಸಿದ್ದಾನೆ. ಆಗ ಆತನನ್ನು ತಡೆದ ಪ್ರಯಾಣಿಕರು, ಟೇಪುಗಳಿಂದ ಆತನನ್ನು ಸುತ್ತಿ ಸೀಟಿಗೆ ಬಿಗಿದು ಕೂರಿಸಿದ್ದಾರೆ. ಇದರಿಂದ ಕೋಪಗೊಂಡ ಆತ ಬಾಯಿಗೆ ಬಂದಂತೆ ಬಯ್ಯುತ್ತ ಒದ್ದಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.