Thursday, May 26, 2022

ಕುವೈತ್‌ನಲ್ಲಿ ಬ್ಯಾಂಕ್ ಖಾತೆಗೆ ಬಂದ 1.5 ಕೋಟಿ ರೂ. ಮರಳಿಸಿ ಪ್ರಾಮಾಣಿಕತೆ ಮೆರೆದ‌ ಕನ್ನಡಿಗ

Follow Us

newsics.com

ಕುವೈತ್: ಕೊರೋನಾ‌ದಿಂದ ಜಗತ್ತಿನ ಬಹುತೇಕರ ಆರ್ಥಿಕ ಪರಿಸ್ಥಿತಿ ಹದಗೆಟ್ಟಿದೆ. ಕೋಟ್ಯಂತರ ಜನ‌ ಬಡತನದ ದವಡೆಗೆ ನೂಕಲ್ಪಟ್ಟದ್ದಾರೆ. ಇಂತಹ ಸಂದಿಗ್ಧ ಸಮಯದಲ್ಲಿ ಬ್ಯಾಂಕ್ ಖಾತೆಗೆ ಒಂದೂವರೆ ಕೋಟಿ ರೂಪಾಯಿ ಸಂದಾಯವಾಗಿದೆ.

ಆದರೆ ಆಕಸ್ಮಿಕವಾಗಿ ಖಾತೆಗೆ ಬಂದ ಅಷ್ಟೂ ಹಣವನ್ನು ಮರಳಿಸುವ ಮೂಲಕ ಪ್ರಾಮಾಣಿಕತೆ ಮೆರೆದಿದ್ದಾರೆ. ಈ ಘಟನೆ ನಡೆದದ್ದು ದೂರದ ಕುವೈತ್‌ನಲ್ಲಾದರೂ, ಹೀಗೆ ಪ್ರಾಮಾಣಿಕತೆ‌ ಮೆರೆದು ಪ್ರಶಂಸೆಗೆ ಪಾತ್ರರಾದವರು ಕನ್ನಡಿಗ ಎಂಬುದು ವಿಶೇಷ.
ಬೆಂಗಳೂರು ಮೂಲದ ಸುನಿಲ್ ಡೊಮೆನಿಕ್ ಡಿಸೋಜಾ ಈ‌ ಪ್ರಶಂಸೆಗೆ ಪಾತ್ರರಾದ ಕನ್ನಡಿಗ. ಕುವೈತ್‌ನ ಬಿಟಿಸಿ ಎಂಬ ಖಾಸಗಿ ಕಂಪನಿಯಲ್ಲಿ ಎ.ಸಿ. ತಂತ್ರಜ್ಞರಾಗಿ ಹಲವು ವರ್ಷಗಳಿಂದ ಕೆಲಸ ಮಾಡುತ್ತಿದ್ದ ಸುನಿಲ್, ಇತ್ತೀಚಿಗೆ ಆ ಕೆಲಸ ತೊರೆದು ಬೆಂಗಳೂರಿಗೆ ವಾಪಸ್ಸಾಗಲು ನಿರ್ಧರಿಸಿದ್ದರು.

ಕಂಪನಿ ಅವರನ್ನು ಗೌರವಯುತವಾಗಿ ಬೀಳ್ಕೊಟ್ಟಿತು. ಅವರಿಗೆ ಬರಬೇಕಿದ್ದ ಸ್ಯಾಲರಿ, ಗ್ರಾಚ್ಯುಟಿ ಹಾಗೂ ಇತರ ಹಣಕಾಸಿನ ವ್ಯವಹಾರ ಪೂರ್ಣಗೊಳಿಸಿತು. ಈ ಸಂಬಂಧ ಅವರ ಖಾತೆಗೆ ಕಂಪನಿಯಿಂದ ಹಣ ವರ್ಗಾಯಿಸಲ್ಪಟ್ಟಿತು.
ಅದು ಒಂದೆರಡು ರೂಪಾಯಿ ಅಲ್ಲ. 62,859 ಕುವೈತ್ ದಿನಾರ್. ಅಂದರೆ ಬರೋಬ್ಬರಿ ಒಂದೂವರೆ ಕೋಟಿ ರೂಪಾಯಿ.

ತಕ್ಷಣ ಸುನಿಲ್ ತಮ್ಮ ಕಂಪನಿಗೆ ಈ ವಿಚಾರ ತಿಳಿಸಿದ್ದಾರೆ. ಬಳಿಕ ಬ್ಯಾಂಕ್‌ನಲ್ಲಿ ಪರಿಶೀಲಿಸಿದಾಗ ಟೆಕ್ನಿಕಲ್ ಪ್ರಾಬ್ಲಮ್‌ನಿಂದ ಹೀಗಾಗಿರೋದು ಪತ್ತೆಯಾಗಿದೆ. ಕೂಡಲೇ ಅವರಿಗೆ ಸಿಗಬೇಕಾಗಿದ್ದಷ್ಟು ಹಣ ಇರಿಸಿ, ಉಳಿದ ಮೊತ್ತವನ್ನು ಹಿಂಪಡೆಯಲಾಯಿತು.
ಸುನಿಲ್ ಡಿಸೋಜಾ ಅವರ ಪ್ರಾಮಾಣಿಕತೆಯನ್ನು ಕುವೈತ್‌ನ ಕಂಪನಿ ಕೊಂಡಾಡಿದೆ. 1.5 ಕೋಟಿ ಹಿಂತಿರುಗಿಸಿದ್ದಕ್ಕೆ ಅವರನ್ನು ಅಭಿನಂದಿಸಿದೆ. ಜತೆಗೆ 250 ದಿನಾರ್ ಅಂದರೆ ಸುಮಾರು 61 ಸಾವಿರ ರೂಪಾಯಿ ಹಾಗೂ ವಿಶೇಷ ಪ್ರಶಂಸಾ ಪತ್ರ ನೀಡಿ ಗೌರವಿಸಿದೆ.

ಒಂದೇ ನಿಮಿಷದಲ್ಲಿ 109 ಪುಶ್ ಅಪ್: ಗಿನ್ನೆಸ್ ವಿಶ್ವ ದಾಖಲೆ ಬರೆದ ನಿರಂಜೋಯ್ ಸಿಂಗ್

ಅವಳಿ ಮರಿಗಳಿಗೆ ಜನ್ಮ ನೀಡಿದ ಆಫ್ರಿಕಾ ಆನೆ!

ಜಪಾನ್ ಮಾಜಿ ಪ್ರಧಾನಿ ಶಿಂಜೋ ಅಬೆಗೆ ನೇತಾಜಿ ಪ್ರಶಸ್ತಿ

ಉಡುಪಿನ ಬಗ್ಗೆ ಉಪದೇಶ ಬೇಡ: ಮಲೈಕಾ ಅರೋರಾ

ಮತ್ತಷ್ಟು ಸುದ್ದಿಗಳು

Latest News

ಪಾಟಿದಾರ್ ಶತಕದಾಟ: ಕ್ವಾಲಿಫೈಯರ್ 2 ತಲುಪಿದ ಫಾಫ್ ಪಡೆ

newsics.com ಕೋಲ್ಕತ್ತಾ: ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧದ ಐಪಿಎಲ್ 2022 ಎಲಿಮಿನೇಟರ್ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವು 14ರನ್‌ಗಳ ಗೆಲುವು ಸಾಧಿಸಿದೆ. ಮಳೆಯ ಕಾರಣದಿಂದಾಗಿ ಕೊಂಚ ತಡವಾಗಿ...

ಉಗ್ರರ ಗುಂಡಿಗೆ ಟಿವಿ‌ ಕಲಾವಿದೆ ಬಲಿ

newsics.com ಶ್ರೀನಗರ: ಉಗ್ರರ ಗುಂಡಿಗೆ ಟಿವಿ ಕಲಾವಿದೆಯೊಬ್ಬರು ಬಲಿಯಾಗಿದ್ದಾರೆ. ಜಮ್ಮು ಮತ್ತು ಕಾಶ್ಮೀರದ ಬದ್ಗಾಮ್‌ ಜಿಲ್ಲೆಯಲ್ಲಿ ಬುಧವಾರ ಈ ಘಟನೆ ನಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಮೃತ ಮಹಿಳೆಯನ್ನು ಕಲಾವಿದೆ ಅಮ್ರೀನ್‌ ಭಟ್‌ ಎಂದು ಗುರುತಿಸಲಾಗಿದೆ. ಅಮ್ರೀನ್...

ಪೆಟ್ರೋಲಿಲ್ಲ, ಎಟಿಎಂನಲ್ಲಿ ಹಣವಿಲ್ಲ: ಪಾಕ್ ಸರ್ಕಾರದ ವಿರುದ್ಧ ಹಫೀಜ್ ವಾಗ್ದಾಳಿ

newsics.com ಇಸ್ಲಾಮಾಬಾದ್: ಪಾಕಿಸ್ತಾನದ ಸ್ಥಿತಿಗತಿಗಳ ಬಗೆಗೆ ಮಾಜಿ ಕ್ರಿಕೆಟಿಗ ಮೊಹಮ್ಮದ್ ಹಫೀಜ್ ಅವರು ಕಿಡಿಕಾರಿದ್ದಾರೆ. ಲಾಹೋರ್ ನಲ್ಲಿ ಜನ ಸಾಮಾನ್ಯರಿಗೆ ಪೆಟ್ರೋಲ್ ಸಿಗುತ್ತಿಲ್ಲ. ಎಟಿಎಂನಲ್ಲಿ ಹಣವಿಲ್ಲ ಎಂದು ಹೇಳಿದ್ದಾರೆ. ಯಾವುದೇ ಪೆಟ್ರೋಲ್ ಬಂಕ್ ನಲ್ಲಿ ಪೆಟ್ರೋಲ್...
- Advertisement -
error: Content is protected !!