ಕೊರೋನಾ ಹಿನ್ನೆಲೆ; ಮೆಕ್ಸಿಕೋದಲ್ಲಿ 10 ಲಕ್ಷ ಉದ್ಯೋಗ ನಷ್ಟ ಅಂದಾಜು

ಮೆಕ್ಸಿಕೋ: ದೇಶದಲ್ಲಿ ಸುಮಾರು 10 ಲಕ್ಷ ಉದ್ಯೋಗಗಳು ನಷ್ಟವಾಗುವ ಸಾಧ್ಯತೆ ಇದೆ ಎಂದು ಮೆಕ್ಸಿಕೋ ಪ್ರಧಾನಿ ಆಯಂಡ್ರೆಸ್‌ ಮ್ಯಾನುಯೆಲ್‌ ಲೋಪೆಝ್ ಒಬ್ರಡಾರ್‌ ಹೇಳಿದ್ದಾರೆ.
ಇದಕ್ಕೆ ಪರ್ಯಾಯವಾಗಿ 20 ಲಕ್ಷ ಹೊಸ ಉದ್ಯೋಗಗಳನ್ನು ಸೃಷ್ಟಿಸುವುದಾಗಿಯೂ ಅವರು ಭರವಸೆ ನೀಡಿದ್ದಾರೆ.
ಕೊರೋನಾ ಸೋಂಕು ನಿಯಂತ್ರಣದಲ್ಲಿದೆ ಎಂದು ಲೋಪೆಝ್ ಅವರ ಸರ್ಕಾರ ಪದೇ ಪದೆ ಘೋಷಿಸಿತ್ತು. ಆದರೆ, ಈಗ ದಾಖಲೆ ಸಂಖ್ಯೆಯ ಕೋವಿಡ್‌ ಪ್ರಕರಣಗಳು ಹಾಗೂ ಸಾವುಗಳು ವರದಿಯಾಗಿವೆ. ಸೋಂಕಿಗೂ ಮೊದಲೇ ಮೆಕ್ಸಿಕನ್‌ ಆರ್ಥಿಕತೆ ತೀವ್ರ ಕುಸಿತ ಅನುಭವಿಸಿತ್ತು. ಹಲವು ಬ್ಯಾಂಕುಗಳಿಗೆ ಶೇ.9ರಷ್ಟು ಹಿನ್ನಡೆಯಾಗಬಹುದು ಎಂದು ಅಂದಾಜಿಸಲಾಗಿದೆ.