ನಿಗೂಢ ವಿಷಾನಿಲಕ್ಕೆ 11 ಜನ ಬಲಿ

ಕರಾಚಿ: ಇಲ್ಲಿ ನಿಗೂಢ ವಿಷಾನಿಲ ಹರಡಿದ ಪರಿಣಾಮ 11 ಜನ ಸಾವನ್ನಪ್ಪಿದ್ದು, ಹಲವರು ಅಸ್ವಸ್ಥರಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಕರಾಚಿಯ ಕೇಮಾರಿ ಪ್ರದೇಶದಲ್ಲಿ ಈ ದುರಂತ ಸಂಭವಿಸಿದ್ದು, ಅನೇಕರು ಗಂಭೀರ ಉಸಿರಾಟದ ಸಮಸ್ಯೆ ಎದುರಿಸಿದ್ದಾರೆ. ಎಲ್ಲರನ್ನೂ ಕೂಡಲೇ ಸಮೀಪದ ಜಿಯಾವುದ್ದೀನ್​ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ವಿಷಾನಿಲ ಹರಡುವುದಕ್ಕೆ ಕಾರಣವಾಗಿದ್ದೇನು ಎಂಬ ಬಗ್ಗೆ ಯಾವುದೇ ಸುಳಿವು ಸಿಕ್ಕಿಲ್ಲ. ತನಿಖೆ ಮುಂದುವರಿದಿದೆ ಎಂದು ಕರಾಚಿ ಪೊಲೀಸ್ ಮುಖ್ಯಸ್ಥ ಗುಲಾಂ ನಬಿ ಮೆಮೋನ್ ಪ್ರತಿಕ್ರಿಯಿಸಿದ್ದಾರೆ.
ಸೋಯಾಬೀನ್ ಚೀಲಗಳನ್ನು ಹಡಗೊಂದರಿಂದ ಅನ್​ಲೋಡ್ ಮಾಡುವಾಗ ಅಥವಾ ಅಂಥ ಯಾವುದಾದರೂ ವಸ್ತುವನ್ನು ಅನ್ಲೋಡ್ ಮಾಡುವಾಗ ವಿಷಾನಿಲ ಹರಡಿರುವ ಸಾಧ್ಯತೆ ಇದೆ ಎಂದು ಶಂಕಿಸಲಾಗಿದೆ.