ಬೆಲ್ಜಿಯಮ್ ನೂತನ ಪ್ರಧಾನಿಯಾಗಿ ಅಲೆಕ್ಸಾಂಡರ್

newsics.com
ಬ್ರಸೆಲ್ಸ್ (ಬೆಲ್ಜಿಯಮ್): ಬೆಲ್ಜಿಯಮ್‌ನ ನೂತನ ಪ್ರಧಾನಿಯಾಗಿ ಉದಾರವಾದಿ ನಾಯಕ ಅಲೆಕ್ಸಾಂಡರ್ ಡಿ ಕ್ರೂ ನೇಮಕಗೊಂಡಿದ್ದಾರೆ.
ಹಣಕಾಸು ಸಚಿವ ಡಿ ಕ್ರೂರನ್ನು ಪ್ರಧಾನಿಯಾಗಿ ನೇಮಿಸಿರುವುದನ್ನು ಅವರ ಎದುರಾಳಿ ಪೌಲ್ ಮ್ಯಾಗ್ನೆಟ್ ಖಚಿತಪಡಿಸಿದ್ದಾರೆ.
16 ತಿಂಗಳ ಹಿಂದೆ ನಡೆದ ಚುನಾವಣೆಯಲ್ಲಿ ನಿರ್ಣಾಯಕ ಫಲಿತಾಂಶ ಬಾರದ ಹಿನ್ನೆಲೆಯಲ್ಲಿ, ಅವರು 7 ಪಕ್ಷಗಳ ಮೈತ್ರಿ ಸರ್ಕಾರದ ಮುಖ್ಯಸ್ಥರಾಗಿ ಹೊರಹೊಮ್ಮಿದ್ದಾರೆ.
ಚಾರ್ಲ್ಸ್ ಮೈಕಲ್‌ರ ಸರ್ಕಾರ ಪತನಗೊಂಡ ಬಳಿಕ, 21 ತಿಂಗಳುಗಳ ಕಾಲ ಬೆಲ್ಜಿಯಮ್‌ನಲ್ಲಿ ಬಹುಮತದ ಸರ್ಕಾರವಿರಲಿಲ್ಲ. 493 ದಿನಗಳ ಹಿಂದೆ ಚುನಾವಣೆ ನಡೆದರೂ ಸರ್ಕಾರದ ಮುಖ್ಯಸ್ಥರನ್ನು ಈಗ ಆಯ್ಕೆ ಮಾಡಲಾಗಿದೆ.