ವಿಲಾಸಿ ವಿಹಾರ ನೌಕೆ ಖರೀದಿಸಿದ ಬಿಲ್ ಗೇಟ್ಸ್

ಮೊನಾಕೋ: ಬಿಲ್ ಗೇಟ್ಸ್ ವಿಲಾಸಿ ವಿಹಾರ ನೌಕೆಯೊಂದನ್ನು ಖರೀದಿಸಿದ್ದು, ಡಚ್ ಕಂಪನಿ ಸೈನೊಟ್ ಈ ಹಡಗನ್ನು ನಿರ್ಮಾಣ ಮಾಡಿದೆ.
ಜಲಜನಕದಿಂದಲೇ ಸಂಪೂರ್ಣವಾಗಿ ಕಾರ್ಯನಿರ್ವಹಿಸುವ ಹಡಗು ನಿರ್ಮಾಣದಲ್ಲಿ ಸೈನೊಟ್ ತೊಡಗಿಕೊಂಡಿದೆ. ಗರಿಷ್ಠ ಅಂದರೆ 17 ನಾಟ್ಸ್ ವೇಗದಲ್ಲಿ ಕಾರ್ಯನಿರ್ವಹಿಸುವ ಇದು, ಗರಿಷ್ಠ 3,750 ನಾಟಿಕಲ್ ಮೈಲುಗಳ ತನಕ ಸಾಗಬಹುದು.
ಇದು 112 ಮೀಟರ್ ಉದ್ದ ಇದೆ. ಈ ಹಡಗಿನಲ್ಲಿ ಐದು ಡೆಕ್ ಗಳಿವೆ. ಹದಿನಾಲ್ಕು ಅತಿಥಿಗಳಿಗೆ ಮತ್ತು ಮೂವತ್ತೊಂದು ಸಿಬ್ಬಂದಿಗೆ ಇಲ್ಲಿ ಎಲ್ಲ ವ್ಯವಸ್ಥೆ ಮಾಡಬಹುದಾಗಿದೆ. ಒಳಾಂಗಣದ ಆರೋಗ್ಯ ಕೇಂದ್ರ, ಜಿಮ್, ಹೈಡ್ರೋ ಮಸಾಜ್ ರೂಮ್ ಮತ್ತು ಯೋಗ ಸ್ಟುಡಿಯೋ ಇದೆ. ಹೆಲಿಪ್ಯಾಡ್, ಸ್ಪಾ, ಒಳಾಂಗಣ ಕೊಳ ಸಹ ಇವೆ.