ತಮ್ಮ ಜೀವ ಉಳಿಸಿದ ವೈದ್ಯರ ಹೆಸರನ್ನೇ ಮಗನಿಗಿಟ್ಟ ಬ್ರಿಟನ್ ಪ್ರಧಾನಿ!

ಲಂಡನ್: ಕೊರೋನಾ ಸೋಂಕಿಗೆ ಒಳಗಾಗಿ ಗುಣಮುಖರಾಗಿರುವ ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ತಮ್ಮ ಮಗನಿಗೆ ವೈದ್ಯರ ಹೆಸರನ್ನೇ ಇಡುವ ಮೂಲಕ ಕೃತಜ್ಞತೆ ಸಲ್ಲಿಸಿದ್ದಾರೆ.
ಕೋವಿಡ್-19 ಸೋಂಕು ತಗುಲಿದ್ದ ತಮಗೆ ವೈದ್ಯರು ಅದ್ಬುತ ಸೇವೆ ಕಲ್ಪಿಸಿದ್ದರು ಎಂದು ವೈದ್ಯರ ಬಗ್ಗೆ ಪ್ರಶಂಸಿಸಿದ್ದಾರೆ.
ತುರ್ತು ಚಿಕಿತ್ಸಾ ಘಟಕದಲ್ಲಿ ತಮ್ಮನ್ನು ಇರಿಸಿ, ಆಗಾಗ ವೈದ್ಯಕೀಯ ಪರೀಕ್ಷೆಗಳನ್ನು ನಡೆಸಿದರು, ಅವರ ಅದ್ಬುತ ಸೇವೆಯಿಂದಾಗಿ ತಾನು ಸೋಂಕಿನಿಂದ ಚೇತರಿಸಿಕೊಂಡೆ ಎಂದು ಜಾನ್ಸನ್ ಹೇಳಿದ್ದಾರೆ.
ಮಾರ್ಚ್ 26 ರಂದು ಬ್ರಿಟನ್ ಪ್ರಧಾನಿ ಕೊರೊನಾ ಸೋಂಕಿಗೆ ಒಳಗಾಗಿದ್ದರು. ಸುಮಾರು 20 ದಿನ ಆಸ್ಪತ್ರೆಯಲ್ಲಿ ದಾಖಲಾಗಿ ಚಿಕಿತ್ಸೆ ಪಡೆದುಕೊಂಡರು.