ನೋಟು ಬದಲಾವಣೆ: ಭಾರತಕ್ಕೆ ನೇಪಾಳ ದುಂಬಾಲು

ನವದೆಹಲಿ: ನೋಟು ಅಮಾನ್ಯಿಕರಣದಿಂದ ನೇಪಾಳದಲ್ಲಿ 7 ಕೋಟಿ ರೂಪಾಯಿ ಹಳೇ ನೋಟುಗಳನ್ನು ಬದಲಾಯಿಸಿಕೊಡಿ ಎಂದು ನೇಪಾಳ ಭಾರತಕ್ಕೆ ಮತ್ತೆ ಮನವಿ ಮಾಡಿದೆ.
ಈ ನೋಟುಗಳು ನೇಪಾಳದ ಸೆಂಟ್ರಲ್​ ಬ್ಯಾಂಕ್​ನಲ್ಲಿ ಜಮಾ ಆಗಿದ್ದು, ಈ ನೋಟುಗಳನ್ನು ಭಾರತ ಸರ್ಕಾರ ಹೊಂದಾಣಿಕೆ ಮಾಡುತ್ತಿಲ್ಲ ಎಂದು ನೇಪಾಳದ ವಿದೇಶಾಂಗ ಸಚಿವ ಪ್ರದೀಪ್​ಕುಮಾರ್​ ಗ್ಯಾವಾಲಿ ದೂರಿದ್ದಾರೆ.
‘ಈ ಬಗ್ಗೆ ಅಂತಿಮ ತೀರ್ಮಾನ ಭಾರತಕ್ಕೆ ಬಿಟ್ಟದ್ದು. ಕಳೆದ ವರ್ಷಗಳಿಂದ ನಾವು ಮನವಿ ಮಾಡುತ್ತಿದ್ದೇವೆ. ಭಾರತವು ಸಕಾರಾತ್ಮಕವಾಗಿ ಸ್ಪಂದಿಸುವ ನಿರೀಕ್ಷೆ ಇದೆ’ ಎಂದು ಸಚಿವ ಪ್ರದೀಪ್​ಕುಮಾರ್​ ಹೇಳಿದ್ದಾರೆ.
ಭಾರತದಲ್ಲಿ ಜಾರಿಯಿರುವ ನೋಟುಗಳನ್ನು ಉಪ ಖಂಡಗಳಾದ ಭೂತಾನ್​ ಮತ್ತು ನೇಪಾಳದಲ್ಲಿ ಬಳಸಲಾಗುತ್ತದೆ.