ಕೊರೋನಾ ದಾಳಿ: ಚೀನಾದಲ್ಲಿ ಸತ್ತವರ ಸಂಖ್ಯೆ 258ಕ್ಕೆ ಏರಿಕೆ

ಬೀಜಿಂಗ್:  ಚೀನಾದಲ್ಲಿ ಆತಂಕದ ಅಲೆ ಸೃಷ್ಚಿಸಿರುವ ಕೊರೋನಾ ವೈರಸ್ ಗೆ ಸತ್ತವರ ಸಂಖ್ಯೆ 258ಕ್ಕೆ ಏರಿದೆ. ರೋಗ ನಿಯಂತ್ರಣಕ್ಕೆ ಚೀನಾ ಸರ್ಕಾರ ಹರ ಸಾಹಸ ಪಡುತ್ತಿದ್ದರೂ ನಿರೀಕ್ಷಿತ ಪ್ರಗತಿ ಸಾಧ್ಯವಾಗಿಲ್ಲ. ಈ ಮಧ್ಯೆ ರೋಗ ಕುರಿತಂತೆ ವದಂತಿ ಕೂಡ ಹರಡಿದ್ದು, ಇದು ಚೀನಾದ ಜೈವಿಕ ಅಸ್ತ್ರ ಸೋರಿಕೆಯಿಂದ ಉಂಟಾಗಿದೆ ಎಂದು ಹೇಳಲಾಗುತ್ತಿದೆ. ಆದರೆ ಈ ವರದಿಯನ್ನು ಇದುವರೆಗೆ ದೃಢೀಕರಿಸಲಾಗಿಲ್ಲ.