ನ್ಯೂಜಿಲ್ಯಾಂಡ್ ನಲ್ಲಿ ಜನರಿಗೆ ನೇರ ಹಣ ನೀಡಿಕೆಗೆ ಚಿಂತನೆ

ಲಂಡನ್: ಕೊರೋನಾದಿಂದ ಕಂಗೆಟ್ಟಿರುವ ನ್ಯೂಜಿಲ್ಯಾಂಡ್ ಆರ್ಥಿಕತೆ ಬಲಪಡಿಸಲು ಹೆಲಿಕಾಪ್ಟರ್ ಮನಿ ಸೇರಿದಂತೆ ಹಲವು ಕ್ರಮಗಳ ಜಾರಿಗೆ ಚಿಂತನೆ ನಡೆಸಿದೆ. ಜನರಿಗೆ ನೇರವಾಗಿ ಉಚಿತ ಹಣ ನೀಡುವುದು ಕೂಡ ಪರಿಗಣಿಸಲಾಗುತ್ತಿದೆ. ಈ ಸಂಬಂಧ ಚರ್ಚೆಗಳು ನಡೆಯುತ್ತಿವೆ ಎಂದು ನ್ಯೂಜಿಲ್ಯಾಂಡ್ ಹಣಕಾಸು ಸಚಿವ ಗ್ರಾಂಟ್ ರಾಬರ್ಟ್ ಸನ್  ಹೇಳಿದ್ದಾರೆ. ವಿತ್ತೀಯ ಶಿಸ್ತನ್ನು ಗಮನದಲ್ಲಿರಿಸಿಕೊಂಡು ದೇಶದ ಆರ್ಥಿಕತೆ ಬಲಪಡಿಸಲು ಸೂಕ್ತ ಕ್ರಮ ಕೈಗೊಳ್ಳುವುದಾಗಿ ಸಚಿವ ಗ್ರಾಂಟ್ ಹೇಳಿದ್ದಾರೆ.  ಕೊರೋನಾದಿಂದ  ನ್ಯೂಜಿಲ್ಯಾಂಡ್ ಆರ್ಥಿಕ ಪರಿಸ್ಥಿತಿ ತೀರಾ ಹದಗೆಟ್ಟಿದೆ. ಆದರೆ ವಿಶ್ವದ ಬಲಾಡ್ಯ ರಾಷ್ಟ್ರಗಳು ಈಗಲೂ ಕೂಡ ಹೆಲಿಕಾಪ್ಟರ್ ಹಣ ಕಲ್ಪನೆಯಿಂದ ದೂರ ಉಳಿದಿವೆ. ಇದು  ವಿಪರೀತ ಹಣದುಬ್ಬರಕ್ಕೆ ಕಾರಣವಾಗಲಿದೆ ಎಂಬುದು ಈ ರಾಷ್ಟ್ರಗಳ ಹೆದರಿಕೆಯಾಗಿದೆ.  ನ್ಯೂಜಿಲ್ಯಾಂಡ್ ಆರ್ಥಿಕತೆ ದೇಶದ ರಫ್ತನ್ನು ಅಲವಂಬಿಸಿದ್ದು, ಕೊರೋನಾದಿಂದ ಇದು ನೆಲಕಚ್ಚಿದೆ.