ಭದ್ರತಾ ಮಂಡಳಿ ಸಭೆಯಲ್ಲಿ ಕಾಶ್ಮೀರ ಪ್ರಸ್ತಾಪ: ಚೀನಾಕ್ಕೆ ಮುಖಭಂಗ

ವಾಷಿಂಗ್ಟನ್:  ಭದ್ರತಾ ಮಂಡಳಿ ಸಭೆಯಲ್ಲಿ ಚೀನಾ ಮತ್ತೊಮ್ಮೆ ಮುಖ ಭಂಗಕ್ಕೆ ಗುರಿಯಾಗಿದೆ. ತನ್ನ ಹಳೆ ಚಾಳಿ ಮುಂದುವರಿಸಿದ ಚೀನಾ, ಭದ್ರತಾ ಮಂಡಳಿ ಸಭೆಯಲ್ಲಿ ಕಾಶ್ಮೀರ ವಿಷಯ ಕುರಿತು ಪ್ರಸ್ತಾಪ ಮಾಡಲು ಯತ್ನ ನಡೆಸಿತ್ತು. ಇದನ್ನು ಭಾರತ ಮತ್ತು ಮಿತ್ರ ರಾಷ್ಟ್ರಗಳು ಬಲವಾಗಿ ವಿರೋಧಿಸಿದವು. ಕೊನೆಗೆ ಚೀನಾದ ಎಲ್ಲ ಪ್ರಯತ್ನ ವಿಫಲವಾಗಿ ತೀವ್ರ ಮುಖ ಭಂಗಕ್ಕೆ ಗುರಿಯಾಯಿತು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ವಿಶ್ವ ಸಂಸ್ಥೆಯ ಭಾರತದ ರಾಯಭಾರಿ ಸೈಯ್ಯದ್ ಅಕಬ್ಬುರುದ್ದೀನ್, ಪಾಕ್ ಮತ್ತು ಚೀನಾದ ಎಲ್ಲ ಆರೋಪ ಸುಳ್ಳು ಎಂಬುದು ಸಾಬೀತಾಯಿತು ಎಂದು ಹೇಳಿದ್ದಾರೆ.