ಅರಬಿ ಸಮುದ್ರದಲ್ಲಿ ಪಾಕ್- ಚೀನಾ ನೌಕ ಕವಾಯತು

ಇಸ್ಲಾಮಾಬಾದ್:  ಅರಬಿ ಸಮುದ್ರದಲ್ಲಿ ಪಾಕಿಸ್ತಾನ ಮತ್ತು ಚೀನಾ ಜಂಟಿಯಾಗಿ ನೌಕಾ ಕವಾಯತು ಆರಂಭಿಸಿದೆ. ಕಾರ್ಯಾಚರಣೆ ಸಂದರ್ಭದಲ್ಲಿನ ಕೌಶಲ್ಯವನ್ನು ಮತ್ತು ದಾಳಿ ತೀವ್ರತೆಯನ್ನು  ಹೆಚ್ಚಿಸುವ ಸಂಬಂಧ ಈ ಜಂಟಿ ಕವಾಯತು ನಡೆಸಲಾಗುತ್ತಿದೆ ಎಂದು ಪಾಕಿಸ್ತಾನ  ಹೇಳಿದೆ.  ಭಾರತದ ಪಶ್ಚಿಮ ಕರಾವಳಿ ಭದ್ರತೆಯ ದೃಷ್ಟಿಯಿಂದ ಅತ್ಯಂತ ಮಹತ್ವ ಪೂರ್ಣವಾಗಿದ್ದು, ಪಾಕ್ ಮತ್ತು ಚೀನಾದ ಜಂಟಿ ಕವಾಯತನ್ನು ಭಾರತ ಎಚ್ಚರಿಕೆಯಿಂದ ಗಮನಿಸುತ್ತಿದೆ.