ಕೊರೋನಾ ವೈರಸ್ ದಾಳಿ: ಪಾಕಿಸ್ತಾನದ ವಿರುದ್ದ ನೆಟ್ಟಿಗರ ಆಕ್ರೋಶ

ಬೀಜಿಂಗ್: ;ಚೀನಾದ ವುಹಾನ್ ಪ್ರದೇಶದಲ್ಲಿ ಕರೋನಾ ವೈರಸ್ ದಾಳಿ ಮಾಡಿದ ಬಳಿಕ ಭಾರತ ತನ್ನ ಪ್ರಜೆಗಳನ್ನು ಸುರಕ್ಷಿತವಾಗಿ ಸ್ವದೇಶಕ್ಕೆ ಕರೆ ತಂದಿದೆ. ಆದರೆ ಚೀನಾದ ಪರಮಾಪ್ತ ರಾಷ್ಟ್ರವಾಗಿರುವ ಪಾಕಿಸ್ತಾನ ಮಾತ್ರ ವುಹಾನ್ ನತ್ತ ತೆರಳಲು ಮನಸ್ಸು ಮಾಡಿಲ್ಲ. ಪಾಕಿಸ್ತಾನದ ಸುಮಾರು 800 ವಿದ್ಯಾರ್ಥಿಗಳು ವುಹಾನ್ ನಲ್ಲಿರುವ ಹಲವು ವಿಶ್ವವಿದ್ಯಾನಿಲಯಗಳಲ್ಲಿ ಕಲಿಯುತ್ತಿದ್ದಾರೆ. ಆದರೆ ಇವರನ್ನು ಸ್ವದೇಶಕ್ಕೆ ಕರೆ ತರುವ ಸಂಬಂಧ ಪಾಕಿಸ್ತಾನ ಇದುವರೆಗೂ ಯಾವುದೇ ಕ್ರಮ ಕೈಗೊಂಡಿಲ್ಲ. ಇದು ಪಾಕಿಸ್ತಾನದಲ್ಲಿ ನೆಟ್ಟಿಗರ ಆಕ್ರೋಶಕ್ಕೆ ಕಾರಣವಾಗಿದೆ. ಒಂದು ಜವಾಬ್ದಾರಿಯುತ ರಾಷ್ಟ್ರವಾಗಿ ಭಾರತ ವಹಿಸಿದ ಪಾತ್ರ ನೋಡಿ ಪಾಕಿಸ್ತಾನ ಕಲಿಯಬೇಕು ಎಂದು ನೆಟ್ಟಿಗರು ಪಾಕ್ ಪ್ರಧಾನಿ ಇಮ್ರಾನ್ ಖಾನ್ ಅವರಿಗೆ ಪಾಠ ಮಾಡಿದ್ದಾರೆ.