ವಿಶ್ವದ ಅತ್ಯಂತ ಹಿರಿಯ ನಾಯಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ ಬಾಬಿ

newsics.com

ಲಂಡನ್: ಶ್ವಾನಗಳು ಅತ್ಯಂತ ನಂಬಿಕಸ್ಥ ಪ್ರಾಣಿ.  ಮಾಲಿಕನ ಪ್ರಾಣ ರಕ್ಷಿಸಲು ಕೂಡ ಹಿಂಜರಿಯುವುದಿಲ್ಲ. ಸಾಮಾನ್ಯವಾಗಿ ನಾಯಿ 12ರಿಂದ 14 ವರ್ಷ ಬದುಕುತ್ತವೆ. ಕೆಲವೊಮ್ಮೆ 20 ವರ್ಷ. ಅದಕ್ಕಿಂತ ಜಾಸ್ತಿ ಬದುಕುವ ಸಾಧ್ಯತೆ ಕಡಿಮೆ.

ಇದೀಗ ಪೋರ್ಚುಗಲ್ ನಲ್ಲಿರುವ  ಬಾಬಿ ಎಂಬ ಹೆಸರಿನ ಶ್ವಾನ ಈ ಎಲ್ಲ ದಾಖಲೆ ಮುರಿದಿದೆ. ಫೆಬ್ರವರಿ 2ರಂದು ಈ ಶ್ವಾನ 30 ವರ್ಷ 267 ದಿನ ಪೂರ್ಣಗೊಳಿಸಿದೆ. ಇದೀಗ ಶ್ವಾನ ಗಿನ್ನೆಸ್ ದಾಖಲೆ ಪುಸ್ತಕದಲ್ಲಿ ಸ್ಥಾನ ಪಡೆದಿದೆ.

ಪೋರ್ಚುಗಲ್ ನಲ್ಲಿರುವ  ಕೋಸ್ಟಾ ಕುಟುಂಬದ ಬಳಿ ಈ ಶ್ವಾನ ಇದೆ. ಲಿಯೋನಲ್ ಕೋಸ್ಟಾ ಈ ನಾಯಿಯ ಒಡೆಯ. ಬಾಬಿ ಎಂದರೆ ಅವರಿಗೆ ಅಚ್ಚು ಮೆಚ್ಚು. ಮನೆಯಲ್ಲಿರುವ ನಾಲ್ಕು ಬೆಕ್ಕುಗಳ ಜತೆ ಬಾಬಿ ಆಟವಾಡುತ್ತಾನೆ ಎಂದು ಅವರು ಹೇಳಿದ್ದಾರೆ.