ಕಾಬೂಲ್’ನಲ್ಲಿ ಸರಣಿ ಸ್ಫೋಟ; ಪೊಲೀಸ್ ಅಧಿಕಾರಿಗಳಿಬ್ಬರ ಸಾವು, ಮೂವರಿಗೆ ಗಾಯ

newsics.com
ಕಾಬೂಲ್: ಆಫ್ಘನ್ ರಾಜಧಾನಿಯಲ್ಲಿ ಇಂದು(ಡಿ.26) ಮುಂಜಾನೆ ಸಂಭವಿಸಿದ ಸರಣಿ ಸ್ಫೋಟದಲ್ಲಿ ಇಬ್ಬರು ಪೊಲೀಸ್ ಅಧಿಕಾರಿಗಳು ಸಾವನ್ನಪ್ಪಿದ್ದು, ಮೂವರು ಗಾಯಗೊಂಡಿದ್ದಾರೆ.
ಉಗ್ರರು ಪೊಲೀಸ್ ವಾಹನದಲ್ಲಿ ಅಳವಡಿಸಿದ್ದ ಡೆಟೋನೇಟರ್’ಗಳು ಸ್ಫೋಟಗೊಂಡು ಈ ದುರ್ಘಟನೆ ಸಂಭವಿಸಿದೆ ಎಂದು ಪೊಲೀಸ್ ಇಲಾಖೆ ವಕ್ತಾರ ಫರ್ದ್‍ವಾಜ್ ಪರಮಾರ್ಜ್ ತಿಳಿಸಿದ್ದಾರೆ.
ವೆಸ್ಟರ್ನ್ ಕಾಬೂಲ್‍ನಲ್ಲಿ ಪೊಲೀಸ್ ವಾಹನಕ್ಕೆ ಅಳವಡಿಸಿದ್ದ ಮ್ಯಾಗ್ನೆಟಿಕ್ ಬಾಂಬ್ ಸ್ಫೋಟಗೊಂಡು ಇಬ್ಬರು ಪೊಲೀಸರು ಮೃತಪಟ್ಟು ನಾಗರಿಕರೊಬ್ಬರು ಗಾಯಗೊಂಡಿದ್ದಾರೆ. ದಕ್ಷಿಣ ಕಾಬೂಲ್ ಪ್ರಾಂತ್ಯದಲ್ಲಿ ಕಾರಿಗೆ ಅಳವಡಿಸಲಾಗಿದ್ದ ಬಾಂಬ್ ಸ್ಫೋಟಗೊಂಡು ಇಬ್ಬರು ಪೊಲೀಸ್ ಅಧಿಕಾರಿಗಳು ಗಾಯಗೊಂಡಿದ್ದಾರೆ. ಪೂರ್ವ ಕಾಬೂಲಿನಲ್ಲಿ ಸಂಭವಿಸಿದ ಮೂರನೆ ಬಾಂಬ್ ಸ್ಫೋಟದಲ್ಲಿ ಯಾವುದೇ ಪ್ರಾಣಾಪಾಯ ಸಂಭವಿಸಿಲ್ಲ.
ತಾಲಿಬಾನ್ ಮತ್ತು ಆಫ್ಘನ್ ಸರ್ಕಾರಗಳ ನಡುವೆ ಶಾಂತಿ ಮಾತುಕತೆ ನಡೆಯುತ್ತಿರುವ ಸಂದರ್ಭದಲ್ಲೇ ಉಗ್ರರು ನಡೆಸಿರುವ ದಾಳಿ ಆಫ್ಘಾನಿಸ್ತಾನವನ್ನು ಬೆಚ್ಚಿ ಬೀಳಿಸಿದೆ. ಸ್ಫೋಟದ ಹೊಣೆಯನ್ನು ಈವರೆಗೆ ಯಾವುದೇ ಸಂಘಟನೆ ಹೊತ್ತುಕೊಂಡಿಲ್ಲ.

ಕ್ಯಾನ್ಸರ್’ಗೆ ಕಾರಣವಾಗುವ ಡಿಎನ್ಎ ಪತ್ತೆ

ಪ್ರವಾಸಿಗರ ಕಿರುಚಾಟ: ಅಟ್ಟಿಸಿಕೊಂಡು ಬಂದ ಕಾಡಾನೆಗಳ ಹಿಂಡು

ರಾಜ್ಯದಲ್ಲಿ ಹೊಸ ಕೊರೋನಾ ತಡೆಗೆ ನೂತನ ಮಾರ್ಗಸೂಚಿ

ಇನ್ನೂ 10 ವರ್ಷ ಕೊರೋನಾ ನಮ್ಮ ಜತೆ ಇರಲಿದೆ- ಬಯೋಟೆಕ್ ಸಿಇಓ