ಪತ್ರಕರ್ತೆಯ ಜತೆ ವಾಗ್ವಾದ: ಪತ್ರಿಕಾಗೋಷ್ಠಿ ಮೊಟಕುಗೊಳಿಸಿದ ಟ್ರಂಪ್

ವಾಷಿಂಗ್ಟ್ ನ್:   ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತೊಮ್ಮೆ ಪತ್ರಿಕಾಗೋಷ್ಟಿಯಲ್ಲಿ ಸಂಯಮ ಕಳೆದುಕೊಂಡಿದ್ದಾರೆ. ಪ್ರಶ್ನೆಯೊಂದಕ್ಕೆ ಸಿಟ್ಟಾದ ಟ್ರಂಪ್ ಪತ್ರಿಕಾಗೋಷ್ಠಿ ಮೊಟಕುಗೊಳಿಸಿ ಅಲ್ಲಿಂದ ತೆರಳಿದ್ದಾರೆ.  ಕೊರೋನಾ ಕುರಿತಾದ ಪತ್ರಿಕಾಗೋಷ್ಠಿಯಲ್ಲಿ ಈ ಘಟನೆ ಸಂಭವಿಸಿದೆ.ಸಿಬಿಎಸ್ ಸುದ್ದಿ ಸಂಸ್ಥೆಯ ವೆಜಿಯಾ  ಜಿಯೋಂಗ್ ಕೇಳಿದ  ಪ್ರಶ್ನೆ  ಟ್ರಂಪ್ ಅವರಿಗೆ ಇಷ್ಟವಾಗಲಿಲ್ಲ. ಅಮೆರಿಕದಲ್ಲಿ ದಿನ ನಿತ್ಯ ಸಾವಿರಾರು ಮಂದಿ ಕೊರೋನಾದಿಂದ ಸಾಯುತ್ತಿದ್ದಾರೆ. ಹೀಗಿರುವಾಗ ಕೊರೋನಾ ಪರೀಕ್ಷೆಯಲ್ಲಿ ಅಮೆರಿಕ ಮುಂದಿದೆ ಎಂಬ ವಾದ ಮಂಡಿಸುತ್ತೀರಿ.. ಯಾಕೆ ಈ ಸ್ಪರ್ಧೆಯ ಮಾತು ಎಂದು ವೆಜಿಯಾ  ಪ್ರಶ್ನಿಸಿದರು. ಇದಕ್ಕೆ ಕೆರಳಿದ ಟ್ರಂಪ್ ಈ  ಪ್ರಶ್ನೆಯನ್ನು ಚೀನಾಕ್ಕೆ ಕೇಳಿ ಎಂದು ಪ್ರತ್ಯುತ್ತರ ನೀಡಿದರು.  ವೆಜಿಯಾ ಮೂಲತ:  ಚೀನಾದವರಾಗಿದ್ದಾರೆ. ಈ  ಪ್ರಶ್ನೆಗೂ ನನ್ನ ಮೂಲಕ್ಕೆ  ಸಂಬಂಧ ಕಲ್ಪ್ಸಿಸಬೇಡಿ  ಎಂದು ಹೇಳಿದಾಗ ಈ ತರದ ಕೀಟಲೆ ಪ್ರಶ್ನೆ ಯಾರು ಕೇಳಿದರೂ ಕೂಡ ಇದೇ ಉತ್ತರ ನೀಡುತ್ತಿದ್ದೆ ಎಂದು ಟ್ರಂಪ್ ಪ್ರತಿಕ್ರಿಯಿಸಿದರು. ಬಳಿಕ ಇನ್ನೊಬ್ಬ ವರದಿಗಾರ್ತಿ  ಪ್ರಶ್ನೆಗೆ ಉತ್ತರಿಸಲು ಸಿದ್ದರಾದ ಟ್ರಂಪ್ ತಕ್ಷಣವೇ ಪತ್ರಿಕಾಗೋಷ್ಟಿ ಮೊಟಕುಗೊಳಿಸಿ ಅಲ್ಲಿಂದ ತೆರಳಿದರು.