ಅಮೆರಿಕ ನೌಕಾಪಡೆಗೆ ಕಪ್ಪು ಮಹಿಳೆ ನೇಮಕ!

ಕಿಂಗ್ಸ್‌ವಿಲ್ಲೆ: ಇದೇ ಮೊದಲ ಬಾರಿಗೆ ಅಮೆರಿಕ ನೌಕಾಪಡೆಗೆ ಕಪ್ಪು ಜನಾಂಗದ ಮಹಿಳೆ ಯುದ್ಧ ವಿಮಾನದ ಪೈಲಟ್‌ ಆಗಿ ನೇಮಕಗೊಂಡಿದ್ದಾರೆ. ಶೀಘ್ರದಲ್ಲೆ ಫ್ಲೈಟ್‌ ಆಫೀಸರ್‌ ಹುದ್ದೆ ಅಲಂಕರಿಸಲಿದ್ದಾರೆ.
ಲೆಫ್ಟಿನೆಂಟ್‌ ಜೆ.ಜಿ. ಮೇಡ್‌ಲೈನ್‌ ಸ್ವೀಗಲ್‌ ಎಂಬಾಕೆ ನೌಕಾಪಡೆ ಶಾಲೆಯಲ್ಲಿ ತರಬೇತಿ ಪೂರ್ಣಗೊಳಿಸಿದ್ದು, 1974ರಲ್ಲಿ ರೋಸ್‌ಮೇರಿ ಮ್ಯಾರಿನರ್‌ ಟ್ಯಾಕ್ಟಿಕಲ್‌ ಫೈಟರ್‌ ಜೆಟ್‌ನಲ್ಲಿ ಹಾರಾಟ ನಡೆಸಿದ್ದರು.
45 ವರ್ಷಗಳ ಬಳಿಕ ಮತ್ತೆ ಈ ಸಾಧನೆಗೆ ಸ್ವೀಗಲ್‌ ಸಾಕ್ಷಿಯಾಗುತ್ತಿದ್ದು, ಕಪ್ಪು ಮಹಿಳೆಯ ನೇಮಕವನ್ನು ಅಮೆರಿಕ ನೌಕಾಪಡೆ ಇತಿಹಾಸ ಸೃಷ್ಟಿ ಅಂತಲೇ ಬಣ್ಣಿಸಿದೆ. ಜಾರ್ಜ್‌ ಫ್ಲಾಯ್ಡ ಹತ್ಯೆ ವಿರೋಧದ ಕಾವಿನಲ್ಲಿರುವ ಅಮೆರಿಕದಲ್ಲಿ ಇದೊಂದು ಆಶಾದಾಯಕ ಬೆಳವಣಿಗೆ ಎಂದು ವ್ಯಾಖ್ಯಾನಿಸಲಾಗುತ್ತಿದೆ.